iwan neichn Schmidkunzweg auf´s Herndl (1.684 m)

Start

Sähaus

Ziel

Sähaus

Weg

Zuawegee: Aufgeht´s auf´m Wandaweg zua Brandnaoim. Diareggd bei da Oim geed ma linggs (Weg 44, 46) duachs Hoiz weida aufe zua Herndloim. Dann nimma weid auf´m Jagasteig und nōch an Felsen links in a Steigal. Do hām´s fia de Breissn a Schuidl aufgschdäid, dass da Weg do ned weidagangad. Noch am Schdiggei geht´s dann links zu de andan Kraxelein, mia aba geen a Schodareisn grōdaus aufe. An brichegn Kamin ko ma rechds umgee und den naxdn Kamin schbreidsd ma se aufe. Dann geht´s auf an Bandl zeaschd nach linggs und dann wida rechds weida zum Einstieg, wo zwoa Boarhaggl san.
Man ko a midn Bergradl auf da Foasdschdroass bis kuaz voa d´Brandnaoim und do linggs in a Strassl mid an Goadan einefoan. Wen mas ko, konn ma do nu a wengei drehdn und dann kimmd ma wida aufn Fuassweg und schmeissd do s´Radl ins Hoiz (GPX Track).

Kraxln: Wia ma aufekraxld segds im Topo. Und bei uns in Bayern sogd ma om dann Berg Heil!

Owegee: Vom Osdgipfe auf an Schdeigal ume zum Haubtgipfe und auf´n o´gschriema Jagasteig owe zua Herndloim. Ja ned des Schdeigal voam Gipfe rechts owe, wei des is rechd bläd zum gee. Von da Herndloim obe wiads aufakemma seids. Aber naddialich rendiadses schoh, dass ma bei da Brandoim nu a weng zuakeahd!